Telgkamps Möhlen

In Ketenkamp was de ersten Möhlen ganz unnen inne Burskup, an westlichen Ufer van Egermöhlenbach. De Möhlen hörte tau den Adelssitz de Ritter von Kedinghem, dat wörn domols de Dienstmannen van Grafen von Ravensburg und siet 1264 van de Bischöpe van Ossenbrügge.

1350 häw die Biskup van Ossenbrügge den Quokenbrügger Burgmann Johann van Arnhorst de Möhlen mitsamt dat Müllerhus taun Lehen gäwen. Später hörde dat alle taun Burnhoff von Hanneke to Mole (1460).

1574 häb se Johann zur Mollen dortau sächt, bett de dann Möhlmann nannt worn is.

De Witwe Möhlmann häw 1850 up ehrn Hoff ne neie Watermöhlen bauet, de bolle van ne Buern-Genossenschaft obernohmen würd. Düsse Möhlen harde twei Mohlgänge. De Verwalter von de Genossenschaft, Telgkamps Heinrich Friedrich, häw de Möhlen dann kofft und sien Söhne, Telgkamps Wilhelm, was dann dort de Müller bett 1960.

In Herwste 1924 heb se dat Woterrad vanne Möhlen dör ne Turbine ersettet. De Turbine harde Kraft nauch för de baden Mahlgänge inne Möhlen und de Knetmaschinen in nt Backhus, wo dat Schwottbrot backet worn is.

De Technik was ober domols ock al drocke. De Woterturbine konnte de nich mehr kegen an un dat de Möhlen nich so richtig ant Woter stünd, was ock nich to best, so wör 1960 Schluss mit den Betrieb vanne Möhlen.

Vandoge staht de Möhlen annen ännern Platz äs domols. 1980 häw de Heimatverein de wär uppebaut und siet dei Tiet wett de als Heimathus nutzet.

Bi Interesse könnt Gruppen oder Vereine, Verbände de Möhlen besichtigen. Vörher möt se sick mitn Vorstand in Verbindung setten un den Termin abspreken. Gi könnt ok Kaffee und sülwes gebackenen Kauken kriegen, Grillen oder ännere gesellige Sohken dort fieren.