De Renovierung

No 1960 wörn Möhlen un Backhus nich mehr in Betrieb, und so is de Taustand vann düsse Gebäude ock nich beter vorn. De Heimatverein un de Gemeinde wolln aber nu gern düt  vorindustrielle Denkmal behollen. De Besitzer von de Möhlen woll de aber nich mehr up sien Grund stohn hebn. Da is dat, wat noch dor was, 1986 affebroken und an änerer Stähe anne Egger wär upbaut worn.

Vele Helper wörn dortau nödig: over 100 Mann wörn debie und da wiet mehr äs 2000 Stunnen. Ok twei ABM-Kräfe, ein Tümmermann und ein Mürker heb dobie holpen. Natürlich wörn ok de Handwerker utn Dörpe nich untätig und heb up unerschiedlchste Ort und Wiese holpen, dat de Möhlen wer upbaut wört. An 20. September 1988 wass et dann sowie: De Möhle konnte fierlich einweiht wern und wett sietdem äs Heimthus nutzet. Dat Rad vanne Möhlen ist an 6. Oktober 1989 inbaut worn. Frau Telgkamp häw den Heimatverein für dat Archiv ehre Genehmigungsurkunde un de Unnerlogen van den Einbau vanne Turbinenanlage van 1930 schonken.

Use Möhlengelände vandoge

De Renovierung vant Möhlenrad

Dat olde, unnerschlächtige Möhlenrad was van Woter, Reibung un Witterung kaputt mokt worn und nich mehr tau bruken, so datt in 2004/05 n neiet Rad komen mosste. Dat ist komplett ut Eikenholt bauet worn, over tusend Schruwen passet up, datt dat Rad ok tohope bliw.